Tadhg Olltach Ó'n Cháinte cecinit

Torchoir ceól Cloinne Cathoil,
rug orra éag anachoin,
teidhm bhus gomh síoruidhe so,
dol dá síodhuighe seanma.

Múisigtheach dorcha domhoin,
Conchubhur Mac Conghalaigh,
a gcúis gháire, a ngníomh doiligh,
re síol nDáire dealuighidh.

Ceól na gcuradh ó Chuan Dor,
mairg, a Dhé bhí, d'ar beanadh,
méar beóighlinn iúlmhur aithneach
ciúnghlan ceóilbhinn cuartuightheach.

Dúsgadh leóin, losgadh anáidh,
ceól codoil crú Donnabháin,
a éag rob ghníomhradh ghoimhe,
béad ríoghbhan is ríoghraidhe.

Sliocht Dáire Cearb nár ceileadh,
uatha trá ní tuigfidhear
labhra faoilte na bhfoghur;
damhna a gcaointe Conchubhur.

Ní shaoilid filidh náid fáidh,
ní mheasoid mná náid macáimh,
céim soirbhis 'na ndiaidh d'fhagháil,
liaigh doirbhis ó nDonnabháin.

Glac lúthbhras ionar lia gean,
Dallán Forgoill na bhfileadh,
glór búidh budh clisdi croidhe,
cisde rúin na ríoghroidhe.

Taidhiúire a théad, tiún a chor
- mar tá a niú is neamhthuar meanman -
lúth saor an ríghmheóir mhire,
fíghleóir caol ar gcruitire.

Dá mhéad do-gheibhinn dá ghrádh
ní bhraithinn chroidhche im chompán
- an dallsa nár dhall croidhe -
acht barr annsa ar n-ionmhoine.

Déanomh aoibhnis ní heól damh
im thoirchim trá ná im dhúsgadh,
ar gclódh céille, ar gcás cumhadh,
bás mo chéile Conchubhar.

Méar lúthmhur bhár lia anáir,
croidhe dil Í Dhonnabháin,
fáidh amhra an fhoilcheasa fuinn,
damhna doirbhcheasa Domhnuill.

Cumhthach ar aoi a daltáin daill
inghean Eóghuin mheic Dhomhnuill,
is baoth mar oire a hosna,
saoth lem chroidhe an Charrthachsa.

Graifneadh múisigtheach meóir bhrais,
uaigneach 'na dhiaidh dá dhíoghrais,
teagar coimseach rob chaoin cuir,
toirseach dá thaoibh a dtorchuir.

TORCHUIR / CEÓL / CLOINNE / CATHOIL /