ANECDOTA FROM IRISH MSS.

XIV.

Leabhar Breac, p. 177.

AGAINST TOOTHACHE.

Ordu Thomais thogaide
i tóeb Críst cen chinaid
ron-ícca mo déta cen guba
ar chruma is ar idhain.

Pater prius et post.

Ib. p. 14.

Is hí oenitche not-guidim
ar mo scarad frisin sás:
nirob iffernach cech duine
acht coramguide fri bás.

Findchu dixit insin.

Ib., p. 164, marg. inf.

Cuilén caitt
notn-aile hé co m-ba haitt:
ó ragaib míadugud,
téit úait fri fíadugud.
Is amail sin drochduine,
aile doréir a thoile,
ó doghní tú duine de,
atalái úait do drochduine.

Brussels MS., 5,100-4, fo. 86a.

Fail a trí
danab buidech mac Dé bí;
oenta bráthar, comrád cert,
altóir Dé do thimthirecht.

Fuil tréide
diana[b] buidech rí gréine;
aenta braithrech, fodhail cert,
altóir Dé do thimthirecht.

Ib. fo. 87b.

Is bés do Mac Dé taccu,
ní sraiglend a lesmaccu,
meic néich eile nocho n-oirg
acht a mheic féin nos-timaircc.

Brussels MS., 5,057-59, p. 49.

Maircc beris coinnem i tech,
cid airdrig, cid aircinnech;
getar talam, getar nem
ar tigerna na coinnem.

KUNO MEYER.