ANECDOTA FROM IRISH MSS.

VII.

COLUM CILLE IN ARANN.

Rawlinson, B. 512, fo. 141a, I.

Laa n-aen tánic Colam Cille timchell
reilge Airne, co facaidh int adhnacul arsaidh
acus in cloch nemhghluaiste acus ro fhiarfaigh
Colam Cille: “Cia ro hadhnaicedh fón
lic?” ar sé. “Ní fhedamur,” ar siat, “acus
ní chualamur romhainn.” Ro fhoillsigh didiu
Dia dó-sum sin tré rath fesa acus faisdine,
acus atbert in rann:

“A Baithin, anam colléic,
Gatar in Talgaeth salgair,
Is anam go madain ann
Ac abaid Iarusailim.”

Ba fír dó-sum sin, ar ba hé Talgaeth
sin .i. ab Iausailim tainic dia ailithre ó
Iarusailem co hArainn a n-aimsir Ende
acus na naemh archena, co fuair bás a n-
Arainn. Ro hadhnaicedh innti iardain, go
tarfas do Cholam Chille a adhnacul an abad
naimh tre rath faistine Dé.