Muiris mac Torna Ó Maolchonaire cct.

Orphe-us óg ainm Eoghain:
lámh nách tais i ttéidcheolaibh,
mér sgathbhraistiugh bláth binn -
tráth dá athbhaisteadh d'Éirinn.

Orphe-us d'athbhaisdeadh air
ní hiongnadh dó 'na dheaghaidh:
bas tioghbhogbhán nách meirbh meoir
ag seinm mbionnorgán mbláithcheoil.

Do b'ionann dóibh ceol coirche
gearradh ponnc 's port caondoilfe;
foghar a meor mar-aon ann;
a cceol ar-aon do b'ionann.

Eighir Orphe-us i cceol
mar sin Eoghan gan aithcheodh;
fear mar é, ceoluighe ceart,
ní deoraidhe é san oighreacht.

Dóibh ar-son gérbh ionann guth
ceol sídhe na n-éan n-iulach,
searbh ceol na sídhealtan soin
tré cheol fhírreachtmhar Eoghain.

Deacair ceol mar é d'fhagháil,
ceol Eoghain Uí Allmhuráin,
's gur chinn ar gach ceol coirche
gidh binn ceol na cceolaighthe.

Ceol na n-orgán maoithe mbinn
lé ceol Eoghain ní hinghill;
bíodh gur ceol a cceol gan cheas
a cceol re a cheol ní coimeas.