Ar Faithche na hImeartha

Bóthar Mhic Seóin

Ag Bóthar Mhic Seóin Dia Domhnaigh do thárla
tabhairt amach fé chúram an Chumainn Bháire i
mBaile Átha Cliath. Bhí a lá ar fheabhus agus
am imirt thar bárr, acht ní rómhór de shluagh a bhí
ag féachaint ortha.

Do fearadh cluithche báire ann idir na
Dáibhisigh is na Fontanóigh; agus níor bh'fhiú
mórán é. Níor dheallraidh sé go raibh a gcroidhe
ag aon taobh aca sa n-obair, agus bhí na
Dáibhisigh i n-easnamh trír nó ceathrair de scoth
a bhfoirne féin.

Ní dóigh liom go bhfuilimíd chomh mór i
ndáiríribh chun na hiomána i mBaile Átha Cliath,
agus a bhímís cúpla bliadhain ó soin. Ar aon
chuma ní bhraithim orainn an dul ar aghaidh go
mbeadh súil leis um an dtaca so. Ní féidir fós
mórshluagh a bhailiughadh chun féachaint ar iomáin
comórtuis i mBaile Átha Cliath. Is baoghal
liom ná fuil Cumann na gCleas Lúith saor ó n-a
mhilleán, ó chuid de ar chuma ar bith. Badh mhaith
an rud dá gcuiridís dá n-imirt i mBaile Átha
Cliath, ceann nó dhó sa bhliadhain de chluithchibh
cinn an bháire. Chuirfadh soin misneach i lucht
báire na cathrach agus mheallfadh na sluaighte
chun dul ag féachaint ar an mbáire.

An Pheil

Do himreadh cluithche peile ann idir na
Céitinnigh is fuireann ó Rinn Muirbhthean.
Ba mhór an deifridheacht a bhí idir an gcluithche
seo agus an báire i leith anamamhlachta is
caladhan. Táid na Céitinnigh ag teacht chun
cinn go maith, agus má leanaidh ortha ní dóichighe
rud de 'ná go mbeidh an Chraobh aca.

Tórna