Ar Faithche na hImeartha

D'imreadh trí cinn de chluithchibh mar gheall
air sin age Bóthar Mhic Seoin Dia Domhnaigh.
Dhá chluithche peile agus cluithche báire a bhí ann.
Níor tosnuigheadh go dtí timcheall a haon, agus
d'fhág soin an cluithche deireannach dá imirt
fá thuitim na hoidhche. Nar dheas an sgéal
é na mílte annsúd ag fuireach go dtiocfadh
traen isteach age Droichead an Ríogh. Tá a lán
le foghluim againn fós is baoghlach. Do ghaibh
an ghramraisg thar teorainn leis agus do loit
soin an radharc ar na daoinibh a dhíol a gcuid
airgid ar dhul isteach dhóibh. An aon mhaith a
athluadh is a aithfhiafraighe cathain a bheidh a láthair
féin ag Cumann na gCleas Lúith?

An Pheil

Thárla an chéad chluithche idir Chonntaethibh Chill
Dara agus Ua Fáilghe. Táid óg laochradh d'éis
fás do Chill Dara agus is deimhnitheach go
gcloisfar uatha. Do goineadar cluithche an
Domhnaigh geall leis. Sidé an scór: Cill Dara,
2-13; Uí Fáilghe, 0-1. Iarracht ana-thréan a
b'eadh an cluithche eile idir Chonntaethibh Lughbhaidhe
agus Cill Choinnigh. Ba mhó de chothrom a bhí
eatortha ná mar bhí idir an dá bhuidhin tosaigh. Bhí
an aicillidheacht ag muinntir Lughbhaidhe, amh, agus
rug soin an cluithche dhóibh. I ndeireadh na
mbeart bhíodar 11 puinnt agus Cill Choinnigh a
sé.

An Báire

Imirt chinn na Sóisear i gcóir Chraobh 1907 a
b'eadh an cluithche seo, agus fóirne ó Chonntaethibh
na Midhe agus Cheatharlaigh a phléidh í. Bhí sé
a ceathair a chlog sar ar thosnuigheadh air, agus
an fearthainn ag tuitim go tiugh. Níor b'fhéidir
imirt ar fóghnamh, acht mar bhí b'iad muinntir
Cheatharlaigh a b'fhearr, agus tá Craobh Chúige
Laighean sa bháire aca dá bhárr. Sidé an scór:
Ceatharlach 2-9; An Mhidhe, 0-9.

Táillí Báire

Dáibhisigh (Sinsir), 2-13; Rábairí, 0-3.
Cuchulainn (Sinsir) v. Ciceamaigh. Do cuireadh
ar athlá toisc na doininne.
Biadhtaigh (Meadhóin), 2-11; Dáibhisigh, 0-7.
Bhuadadar fuireann na hArd-Chraoibhe ar na
Stiophánaigh.
Caoimhghinigh (Sóisir), 1-11; Dáibhisigh, 1-2.

Tórna