Corpas Stairiúil na Gaeilge
1600 - 1926

Ar Faithche na hImeartha - Ag Bóthar Mhic Seoin

Teideal
Ar Faithche na hImeartha - Ag Bóthar Mhic Seoin
Údar
Ní fios,
Dáta cumtha
1907
Foilsitheoir
An Claidheamh Soluis

Cuardaigh Téacsanna

Prós/Filíocht
1600 1926


Ar Faithche na hImeartha



Ag Bóthar Mhic Seóin



Thug gaiscidhigh Conntae Lughbhaidh sa pheil
cuaird ar Bhaile Átha Cliath Dia Domhnaigh, ag
freagairt do chuaird Bhaile Átha Cliath ar
Shráid-Bhaile Dhúna Dealgan. Bhí sinsir is
sóisir ar an dá chuaird. Nuair a chuaidh
muinntir Bhaile Átha Cliath síos do buadhadh
ortha san dá chluithche. Do bhuaidh a sóisir ag
Bóthar Mhic Seóin Dia Domhnaigh.



Na "Sinsir"



Bhí ceathrar i n-easnamh ar "shinsir" Bhaile
Átha Cliath, .i. Mac Dhubhain, Ó Síothcháin, Ó
Bréandáin agus Aodh Ó Broin. In' indeóin-
san do throideadar go cródha an chéad bhobhta.
D'éis iompódh dhóibh, ámhthach, d'éirigh an ghaoth
'n-a gcoinnibh agus dá fheabhas cosaint a
dhéanfaidís ní fhóghnfadh, mar bhí an cíonádh i
seilbh na Lughbhaidheach. Sidé an táille:
Lughbhaidh, 0-14; Áth Cliath, 0-4.



Na "Sóisir"



Dáltha na sóisear bhí an imirt ana-dhlúth
eatortha de chionn a oireamhnaighe dhá chéile a
bhíodar. Thógfad sé croidhe éinne bheith ag
féachaint ortha. Síos suas a ghabhadh an leathar
i gcaitheamh an chluiche, agus i ndeire an chéad
bhobhta bhí an scór cothrom - 3 puinte ar gach
taobh. Ag dul i ndéine is i ndéine a bhí
eatortha go dtí deireadh na himeartha gur
fríoth na Bleáthcliaigh i n-uachtar, agus naoi
bpuinnte aca i gcoinnibh a seacht ag na
Lughbhaidhigh. Badh cheart do sna Coistibh
Conntae féachaint i ndiaidh na sóisear agus
iad a thabhairt amach nísa mhinicí.



An Báire



D'éis an dá chluithche thuas do fearadh iomáin
chomórtuis idir gaiscidhigh Chonntae Lughbhaidh is
Co. Chill Dara. Ní ró-fhada atá aon taobh aca
ag gabháil don chamán, agus ar adhbhar-san ní
raibh an ghluaiseacht ró-mhear ann. Tá easbha
taithighe ar mhuinntir Lughbhaidh, agus dá
luighidís i ndáríribh chuige, ó tá ádhbhar foirne
gan cháim aca, do cloisfidhe uatha. Tá muinn-
tir Chill Dara ag dul i bhfeabhas n-a sheódh.
Sidé an táille: Cill Dara, 4-11; Lughbhaidh,
0-3.



Ag An nDíon



Bhíos ag féachaint ar chuid den imirt (nó den
"ath-imirt") a thárla idir foirnibh báire na
hÁrd-Chraoibhe is na hAille, ag an nDíon, Dia
Domhnaigh. Go deimhin ní mhaith do thaitn liom
cuid da bhfeaca is dá gcuala ann. Bhí "focail
ar faobhar" agus droch-fhocail ar séide ar
fuaid na láithreach go ró-mhinic. Níor cheart
don mhaor gearán d'éisteacht ó éinne acht ón
dá cheann feadhna. Deineadh duine eile
gearán le n-a cheann feadna féin. Ní fiú
maireachtain má's gábadh bheith ag síor-bhruidhin.
Achrainn idir Ghaedhlaibh a chaill Éire ar dtúis.
A mhalairt sin díreach a shaothróghaidh arís í.
Dar ndóigh Éireannaigh is eadh sinn go léir.
Cuirimís ár mogal is ár gcochal ar bhfraoch is
ár bhfocail i dtáisce dhon eachtrann.



Táillí Báire



An Aill, 0-11; Árd-Chraobh, 0-11; Dáibhi-
sigh, 4-13; Fianna, 1-1; Rábairí 1-11,
Cuchulainn 1-7; Geata Sain Séamuis 4-11;
Céitinnigh 1-7; Cicham 3-12, Uí Thuathail
0-2.

19 Dawson Street, Dublin 2
D02 HH58 +353 1 676 2570 info@ria.ie
Royal Irish Academy
Website developed by Niall O'Leary Services