Cúrsaí an tSaoghail

Fearamhlacht ar Fhaithche an Imeartha

Má bhí an oiread fearthanna 's gach
éin-cheanntar Dia Domhnaigh an lá
deireannach de'n Abrán is beag a
rinneadh ar fhaithche an imeartha. Ní
cosamhail gur cuireadh fiú éan-
chomórtas amháin ar siubhal i nÁth
Cliath. Is gearr uainn anois na
comórtaisí a shocróchaidh gaisce iomána
agus peile na príomh-chathrach.

Beidh togha fear Chonnacht ag imirt
i Luimneach Dia Domhnaigh seo chughainn
i gcoinne fóirne ó Chorcaigh ar
iománaidheacht agus i gcoinne foirne ó
Chiarraidhe ar an bpeil. Tá súil go
mbeidh an tiomáint géar i ngach
comórtas díobh, acht badh mhór an
iongnadh fir an iarthair ag buadhchan
ar Chlainn Chuirc. Is fearr fuireach
go bhfeiceam!

Tá mórán ag ár bhfoirnibh le fogh-
luim fós, maidir le cluichibh do chríoch-
nughadh nuair a chíd éin-leith-scéal
chum faithche an imeartha d'fhágaint, go
mór-mhór an bhuidhean atá ag dul fé
san imirt. Is minic ná bíd siad
sásta leis an réidhteach a dhéineann
an réidhteoir, fear nár chóir éan-
chlaonadh ann le héan-taobh díobh. Is
náireach an scéal é do'n bhfuirinn ná
seasuigheann an goradh go deireadh
bára, acht féach gur fhág “Gaedhil”
Bhaile Locha Ramhar an fáithche seacht-
mhain ó shoin ar chúis bhig mar sin, agus
dhein fuireann eile an cleas céadna
ag Ros Cré san chonntae 'nar mhair
Maittias an tSúiste. Faire, faire
sibh, a iománaidhthe Leathórna, gan an
spiorad Ghaedhealach agus an fhíor-fhear-
mhalacht ionnaibh seasamh go cóir.

I gceann seachtmhaine nó dhó cuir-
feam annso an Ghaedhilg ar gach focal
a bhaineann le cluiche iomána agus peile.

Oscar na Féinne