Corpas

Ar Faithche na hImeartha - Cúrsaí Báire

Title: Ar Faithche na hImeartha - Cúrsaí Báire
Author(s): Ó Donnchadha, Tadhg,
Pen Name: Tórna
Composition Date: 1907
Publisher: An Claidheamh Soluis

Search Texts

<N CS1907_12_07_05>
<L 05>
<B 1907>
<C Prós>
<M 8>
<T An Claidheamh Soluis>
<U Tórna>
<F An Claidheamh Soluis>
Ar Faithche na hImeartha

Cúrsaí Báire

Tá an báire ag teacht chun cinn go maith
i gCúige Laighean le déidheannaighe.  Tá sean-
cluiche lúith na nGaedheal ag cur a phréamhacha
arís i dtalamh ná feacathas ann é le sna
ciantaibh.  Ag dul i dtreise atá sé i ngach
ball toir agus tiar.  Is maith linn an scéal
soin.  'Sé an báire an cluiche gaisce is fearr
agus is oireamhnaighe do Ghaedhealaibh.  Níl
aon phioc dá mhearatal orm 'ná go mbeidh linn
de réir mar bheam-na le báire.

Ag Cúl an tSúdaire

Chím go bhfuiltear ag treabhadh chun cinn go
maith ins na hiomaidheachtaibh i gcomhair Chraobh
Chúige Laighean.  Cúl an tSúdaire an t-ionad
coinne 'n-a bhfeacathas báire foghanta idir
Laochraidhe Laoighse is Bhaile Átha Cliath Dia
Domhnaigh.  Ní fada ó d'aththosnuigheadh ar an
mbáire i Laighis Uí Mhórdha, agus ba mhór an
chreideamhaint dóibh an comhrac a chuireadar
i gcrích i gcoinnibh iománaidhthe cliste Átha
Cliath.  Seo mar bhí an scór i ndeire bárra:
Áth Cliath 3-8; Laoighis 1-10.

An Pheil

Ba dhaor go leor a ceannuigh na Céitinnigh
a mbuadh ar na Peárnailigh ag Geata Shain
Séamus Dia Domhnaigh.  Árd-chluiche peile
do b'eadh é.  Sa leath tosaigh de'n imirt níor
chuir aon taobh aca oiread is puinte isteach.
Sa tarna leath, ar shon gur bh'follus gur bh'iad
na Céitinnigh ba threise, níor éirigh leo scór
mór a dhéanamh.  Bhí lucht cúil na bPeárnail-
each thar na beartaibh ar fad.  Sidé an scór:
Céitinnigh 0-3; Peárnailigh 0-1.

Tórna

Historical Irish Corpus1600 - 1926

Ar Faithche na hImeartha - Cúrsaí Báire

Search Texts

Historical Irish Corpus
1600 - 1926