Corpas

<N CS1906_06_09_06>
<L 06>
<B 1906>
<C Prós>
<M 8>
An Claidheamh Soluis

Áth Cliath, Meitheamh 09, 1906.

Mícheál Mac Dáibhid.

Ádhbhar bróin do Ghaedhealaibh bás
aon duine do chaith a shaoghal go
dúthrachtach ar son Éireann.  Duine
do chaith a shaoghal ar son Éireann do
b'eadh an fear do leagadh i gcluain
na marbh sa tSráid i gConndae
Mhuigheo, an Satharn so ghábh tharainn.
Is cuimhin linn fiche bliadhain ó shoin
agus sinn 'n-ár malrach ár n-athair — cé
gur Sasanach é féin do réir dhúthchais
 — dhá rádh linn gurbh' é Mícheal Mac
Dábhaid an fear ba dhílse agus ba chródha
i nÉirinn; agus bhí aithne mhaith aca ar a
chéile.  Is iomdha baramhail do bhí ag
Mícheál nár aontuigheamar léi, agus is
dócha gur iomdha baramahail againne
nach n-aontóchadh seisean léi.  Níorbh'
ionann ar fad an obair ar chaith
seisean a shaoghal léi agus an obair seo
atá idir lámhaibh againne i gConnradh
na Gaedhilge.  Acht ní fhágann an méid
sin nach Gaedheal dílis cródha do bhí
ann, agus nach ar son Éireann do bhí sé
ag obair chomh maith linn féin.  Gaedhil-
geoir ó dhúthchas do b'eadh é agus ball de
Chonnradh na Gaedhilge; agus má's as an
mBéarla is mó bhain sé úsáid i rith a
shaoghail b'fhéidir nach air féin do bhí
an locht ar fad.  Rud eile, mhúin sé
an Ghaedhilg dá chloinn: agus is iomdha
athair agus máthair ar mór a gclú i measg
Connrathóirí nach féidir an méid sin
a rádh 'n-a dtaoibh.  Rinne sé cion fir
ar son a athardha fhaid is mhair sé: luach
a chuid saothair go bhfághaidh sé anois
i measg naomh na hÉireann!

Historical Irish Corpus
1600 - 1926

Mícheál Mac Dáibhid

Search Texts

Historical Irish Corpus1600 - 1926

Mícheál Mac Dáibhid

Search Texts

Historical Irish Corpus
1600 - 1926