Loch Cé

Séamus Ua Seagha, cct

Is ciúin 's is sámh mion-thonn á thragha
Is fionn 's is bán an rae,
Is úr gach páirc le drúcht a bhláth
'S is cumhartha - sgáith Loch Cé -
Agus súil mo ghrádha
Is áilne duibhe
'Ná oll-réalt bán
Trí lár an oidhch'
I lonradh árd-neamh ghlé.

Is aoibhin thuas mar chroidhthe shuairc
Na crainn do ghluaiseann gaoth,
Agus síorruidhe-luasgadh toinn ar chuan
Cois coillte buan Loch Cé -
An ghaoith a d-tuaidh
Do fuarann bláth
Craith aoibhneas uait
Anuas, dom' ghrádh,
'S na slighe cuir suan gach rae!

Is sóghmhail súghach é glór na g-clúr
Agus ceol na lonn gan staon,
Is módhmhrach rún na n-eon annsúd
I bh-feorainn úir Loch Cé -

'S badh shóghach liom siubhal
Lem' phlúr gan sgíos
Air mór-chraig Dhún
I d-túis an oidhch'
Agus ór air chiuis an rae!

Dá g-casfadh cabhach me 'rís don' ngleann
'Gus go bhfanfainn ann lem shaoghal
Badh mhaith bheidheadh cabhail le fada fann,
'Measg fáithchí 's crann Loch Cé -
'N áit cheasnadh trom
Agus ceann bocht tláth,
Gheobhainn aiteas, greann
Agus teann-neart samh
'Gus badh sheasmhach Samhradh glé!