GEASCANÁN.

AN tATHAIR LABHRÁS Ó MATHGHAMHNA, cct.

A Gheascanáin cé sámh do "station"
I lár na dtonn cois Inse Cléire
Geallaim-se dhíbh
Mara mbeadh an tEaspog 's a dhlighe
Ná tiocfainn-se choidhche bhur n-éileamh.

Acht ó chaitheas-sa stríocadh is géilleadh
Beannuighim le díoghnus cléibh dhíbh
Is aitchim-se Críost
Do chur rath ar bhur dtír
'S nbhur bhfairgí taoidibh éisce.

Caolmhuir idir Inis Orcáin agus Cléire is eadh Geascanán. Deirtar, má's
mian le duine an rath a bheith air, nach fuláir do rann a cheapadh á mholadh an
chéad uair a ghabhann tairis. Deallruigheann sé nach ró-mhaith do thaitn leis an
Athair Labhrás an tEaspog á chur go dtí Oileán Cléire.

CEIST:

Leitir chaol mar an gcoll,
Gléas chun abhann do chreachadh um nóin
Déanta d'uaisle na miotal mbuidhe,
Ainm rímhná gan cheó

.i. L + líon + óir,
.i. Elíonóir.