GEÁRR-FHREAGRA DO LIÚDAIDHE ÓG.

A Liúdaidhe Óig, ní cóir ná cuibhe dhuit
A bheith ag glamhsán 's gan fáth ceart faoi 'gat,
Do-bhárr léir-mheasta d'aiste bhríoghmhair,
Óir is feas nách dual dul uaidh sin d'aoineach.

Muna rabhais i gcóis do thóir d' "Aistigheachta,"
Cé'n chiall go ndeighis a bhfeidhil a scríobhtha —
A's gurab é'n leagadh 'mach go dtí seo,
Gach ealadha gur fiú, a scrúdadh go cíocrach?

Do mholas do cheacht chómh beacht a's d'fhéadas,
Acht amháin fo-locht a nochtadh 'sa réidhteach,
'Nois deirir nách dtuigim an imirt ar aonchor!
Acht fé'n nGaedheal-phobal a mholadh so léigim.

Is iomdha duais do bhuadhas-sa féineach
Ar Chleas-Aistigheacht 's ar nídh gur gaol di;
A's thógas páirt i "nDráma" do léiriughadh
A bhfadh sula thárla do thráth 'san tsaoghal so!

AN CLÁIRÍNEACH TOMÁS.

-