Imroll Diubhraicthe
Duine tapaidh deisbhéalach dob' eadh Sydney Smith.
Bhí sé lá ar chlár phuiblidhe i láthair comhthionóil 'na
raibh gnó éigin feisireachta ar siubhal. Bhí fear ag
déanamh cainte thuas ar an gclár. Bhí fear éigin thíos
agus níor thaitn an chaint leis. Tharraing sé ubh lobhtha
as a phóca agus chaith sé leis an gcainteóir é. Níor
mhaith an t-urchar aige agus is é duine bhuail sé 'ná
Sydney Smith, a bhí ar a thaobh féin de'n phléidh. Bhí
ceisd agus náire air, agus chrom sé ar a leathsgéal
do ghabháil leis an nduine uasal a bhuail sé. "Ó,
gabhaim párdún agat! a dhuine uasail," ar seisean,
"ní leat-sa a chaitheas acht leis siúd."

"Is truagh," arsa Sydney Smith, "nár dheinis
caitheamh liomsa agus é siúd do bhualadh."

Peadar Ua Laoghaire