SEAGHAN O DIGHE.

Níor ghéilleas riamh do ráidhtibh
Fileadh, fáidh, nó draoi,
Go bhfuair an Bulcán gránna
Venus bhreágh mar mhnaoi,
Go bhfaca peurla an bháin-chnis
Le toil a cáirde gaoil,
Gan rogha nó malairt arúis,
I bhfochair Sheagháin Uí Dhighe.

Ní ghéillim nach sprid náimhdeach
Do thathuigh dlúth an dís;
A chusbóir pheacadh, a Mhámoin!
'Na measg (mo náire!) bhís.
“Mopso Nysa datur“ -
Is fíor an ráidhteacht í,
O fuair an stuaire d'ádhbhar
Fear mar Sheaghán O Dighe.

Dá mbadh fear mar chách me
('S gur mhaith mar cheárd liom í!),
Do throidfinn seal mar Mhárs di,
Is do ghrádhfainn í ó'm chroidhe.
O! 'sé do bhreóigh 's do chrádhuigh me
Is d'fhág me táimh gan bhrígh,
Ar gcartlainn shneachta mhná 'bheith
'Na tráill ag Seaghán O Dighe!