COIS NA FAIRRGE.

I.

Feadghaoil fhuar gheur
Na gaoithe géire fuaire;
Síor-shéideadh tríd an spéir,
Oc! liom féin is uaigneach.

II.

Árd-thorann na dtonn,
A's iad go trom ag bualadh;
An gharbh-gháir áidhbheul, árd,
Lé mo chroidhe cráidhte, b'uaigneach.

III.

Na faoileáin ag filleadh san spéir,
Ag geur-sgreadghaoil thar na cuantaibh;
Sgread agus sgríoch na n-eun
Lé mo chroidhe féin, Och, b'uaigneach.

IV.

Guth na gaoithe is na taoide
Ag síor-throid lé cogadh cumhachtach;
Muir, tír, spéir, a's séideadh na gaoithe,
Och, uile go léir is uaigneach.

An Chraoibhín Aoibhinn