HISTORY OF ALEXANDER THE
GREAT

From the "Leabhar Breac."

BY PROFESSOR CHARLES GEISLER,

Leabhar Breac 205b

Rogab Alaxandir mac pilib rige focé-
toir: ronbris cath for aithenstu, rodíl-
ceand triathu tianandai, rothoirbir slógu
achía, rothuairc treoit tesaldai, roslom-
mairg lirecdai, rostuindsetar tragdai fo
nirt bríg a chumachta ocus rostinoil iartain
do dul in aissia do chosnum rige in domain
fri persaib. Is ed forfhuair do Alaxandir in
luath tinolsa do denum, arbíth in aslingthe
atchondairc isin catraig maicedondai,
dianad ainmm dihó .i. in uasalnhdia do
thidecht chuice cosin erread n-airmaid-
nech n-áróndai .i. a chochall sirecdai
srebnaide cona chluicínib derscaithe-
chaib don ór derg thaitnemach tíre
araibía ina immthimchell, cona formnaidiu
lán di cech cenel leag lógmar .i. immsaifér,
immlunaind, immcrisdall, immadamaint,
imthonxión, immchruan immglain imm-
charrmocul, cona forbrut bruinnte indec-
dai, cona mínd chaem chomthailc chum-
dachtaide, cona thunig nglais cona lénid
lánchail língil, cona laind cetherliterdai
in a láim. Ocus batar he anmandai na
ceithre litresin: Anátaile .i. in tuaiscert;
Disic .i. in deiscert; Artoc .i. in tuaiscert;
Misimbria .i. int iarthar. Ocus atbert iar-
sin guth na dee: fuabair int airther .i.
Aissia: tairberfi in deiscert .i. affraicc:
failgebe int iarthar .i. eoraip: ba cumach-
tach in tuaisceirt .i. scethia ocus bat
cumachtach in talman fonsámlasin, ocus
biatsa as do leth na coemsat do námaid
ní duit.

Luid Alaxandir fochétoir iarum tar muir
thorren; lxxx.ar.c. long libernecdai batar
fri h-immochar a slóg; ocus berid lais an
ba deach do slógu na h-eorpa uile,.i. maithe
na míled maicedóndai, ocus tromm thuir na
tragdai, ocus airig na n-aithecdai, ocus
uaisle na n-aithenstu, ocus tuirc na tes-
saldai, ocus ardriga eoldai ocus slóig
thíre moxsia, ocus in slóg is léri rucad la
rig riam, .i. goith ocus dalmáit ocus dar-
dain ocus istria ocus retia ocus panunia.
Ocus amal rancatar isin purt dar muir,
gabsat caladpurta an immlib na h-ard-
chatrach dianad ainmm effis, ocus luidset
iarum na slóigsin oilimp dar sruth buma-
chal immedondaib ocus al-lám deass fri
sliab caisp ocus a clí fri licia; a machaire
na siria do an tuaith dar sruth orién, ise
theit tre lár na catrach hisémath dar
sruth mender, al-lám deass fri faende-
taib, a clí fri capadóic, dar sliss descert
slebi lauain, al-lám deass fri tuir ocus
fria sidóin ocus fria h-araib: dar muigib
caldeorum, dar sruth n-etisfer, dar dei-

scert muige senair co bocdagdai co
cathair nirt ocus imperechtai na pers
oucus dair moir mac arsabíí ardrig na pers.
Ba doig, tra, la dair ríg na pers co m-ba
leis imperecht ocus enrige in domain an
inbuidsin, tanic sium co vi.c.míle fher n-ar-
mach inagaid A. cona shlogu do chur chatha
friu ocus roscongrad lérthinol iarsin h-ó
dair for cech leath co m-ba hi uimir a shlog
uile intí sin .i. dair moir; - v mili ar vii mile
traigthech, ocus vii mile marcach, ocus
lxxx ar .c. long do thacur ocus d'foirithin
in morchatha do maicedondaib ocus do A.

Robatar araen immora, fri dair mile
airdrig na siria ocus peruince, robatar
meda ocus persa ocus pairthe, ocus air-
drig na h-arabi ocus eigeptacdai ocus
etheopacdai, ocus sloig edómain ocus
asardhai ocus callacdai ocus sloig messa-
potamia araile h-illtuatha erimdha.
Batar, din, ifarrad A. .i. in maicedoin ocus
na trachdai ocus na h-eoldai ocus aithenstu
ocus tesaldu ocus na sloig h-itcuadamar
riasund.

Ro cóirigead na atha crodai comgharga
do dib lethib iarsin. Mor laech luth-
basach doraching in roindsin h-o dib
lethib. Mor n-drong nhdermáir n-dána
n-iumsach rodechta and h-imbuaili báis.

Mor n-aithe n-dhermárai dorachratar
b-irraenu romádmai indúsin. Mor n-
drong n-dhánai n-dheigfhear n-dhánamail ro
hellachtai and in urd ellaig in chathai
crólindtig.

Mor ségaind saerbérach rodibaigthea
and hi cechtar do díb lethib. Mor ngeal-
chorp cúmdachtaige rosledraigset láigne
leathanghlassai indúsin.

Mor n-eirriud n-eramnas dorachratar
for h-inchuib in ardrig persecdai indúsin,
iter shlóg n-eorpai ocus affraice ocus aissia.

Ní lugai, tra, ronbris na cathsai for
dair cona persaib [tria] aithle h-ile A. oldás
tré nert chathai ocus gaiscid na slóg
batar 'na chaemthecht. Ba fotai ém in
immguin h-immbatar maicedóin fria per-
saib iar na tuarcain fortús in hellach in
mór chathai maicedondai co m-bátar
búind frí médi ocus médi fri bondaib doib.
Do ruachtatar fuile fodbrondai na míled
maicedondai indúsin indiaidh pers iar soud
h-irraenaib romadmai. Nonbur ar .c. do
marcshlóg A. ocus nonbur traigthech namá
do fuit o A. h'i frithguin in chatha per-
secdai. Ceitri cét míle fher n-armach, ocus
x. .c. in cech míle, ocus v. xx. in cech .c.
issed dorochair h-o persaib insin chath
cétna. Luid A. aithle in choscair sin iar
taispenad na n-étgud ocus iar n-aiream na
fhódb, iar tellach na scor iar teclomad
siget ocus armm co rusgaib immon catha-
raig diarbo ainmm gordiana ocus dianad
ainmm saraifir indorsai. Mor slat ocus
sínte ocus esoircne robúi for a lár. Mor
n-oír ocus n-argait ocus géamm lógmar
ocus édaige cecha datha contubertatar
esti.

Mor do dainib saeraib sochenelaib ro-
marbad for a lár ocus tucad a m-broit
esti. Conid iarsin h-itcós do A. dairiur
oc a thinol chathai dó; conid airesin
dochuaid A in uide fhotai in aen ló. .i. v. c.
staide tar sliab tauir co ranic tarsum.
Ocus luid iarum iar scís moir isin sruth
dianad ainmm cidnus, aband forfhuar esside,
co m-ba suaill na rochasaisseat féthi a
cuirpp indte conusfalmastair h-éc de. Is
ead, immoro, foruair A. do dair int uidesea
arna ragbad conair chuimigi ocus doírthe
na frigia fair. Is he lín tanic dair do'n
chath ghánaise .i. ccc. marcach. Rosla
h-i socht mor menmain A. in slog do a
thinol do dhair chuige fri h-athchathugud.

Atbert A. iarum fria a muinntir: roptar
lia a múinnter dair riam oldait mo muind-
tersai ocus rónbrisemni cath foraib.
Ronsefnait stuicc ocus orgáin ocus cuirnd
chathaige and iarum coneracht na sloig

coraile: tucthai orrigai aille eramnai ann
ainmm chumdach in chatha, cechtardai.
Ronbatar and errrid shrólltai shirecdai co
n-immdenam di ór ocus argat, ocus di
némaind ocus di gémmaib cecha dathai
ocus di chenel cecha dathai leag lógmar.
Ronbatar and luirechai immdai ind eltai
ocus cathbairr aille fhorardai immchenn-
aib na curad comrumach. Fotuarcbad
claidib ocus caémscéith ocus gaei gormm-
glassai sithrémra shimneacha sithlata
cruide cóicrinde ocus íxrinde ocus
agigde cruadgérai cethareochracha cúm-
dachtaigi di ór ocus argat go taidlead
int aér auistib dia laindread na n-arm
n-ilbrecc n-examail in uair an dibraicthe
forsna cathbarraib comthuaircnidib. Ro
cummaid comsmachtai foraib iarum ar
tideacht na slóg coraile arbíth co ro-
gressud icys ci rifgircabad cacg díb a
múinntear.

Atbert iarum dair fria múinntir: Is nár
duíb cen chalmai do dénum, olse, a fhiru na
h-aissia. Ad luathai bar n-groide, ad
timmdai bár ndhagairmm; ad calmai bar
curaid, ad treoin bar fhir; suidleas díb
in tír gádathai cosnam ocus is persa
bar leath; ocus tachraid for céill ocus
airem daib seanchassai ocus senscelai bar
múinntire ocus bar ceand remaib. Toich
dib immperdacht ocus énrige in talman.
Batar ruirthig nar ríg, batar tréoin a
toísig, batar gaethai a comairlig, batar
londgairg al-láith-gile, batar airrechtaig
a n-airrig ocus a ndhaigfhir, batar sáthaig
a slóig. O robúi cir mac dair is he ros-
togail babiloin ocus rosgab ardrigi in
domain fortús dib, ni dechaid fainde nó
éinirte foraib cusindíu. Ro sathrigsatar
ardrig immdai remaib immmchosnam rígi
díb. Rosfallnatar rigi ruirthechai, ros-
failgetar belgi ocus mendudai ocus crích-
doirsi a námut dia reir. Cir mac dáir
fortús, ocus a mac iarum .i. compaséis mac
cir. Naggadón ocus hostosbés ocus
hocracius ocus longumánus ocus dairiur a
mac .k.xerxes ocus annxerxes mac hothú.
Soethar athar ocus seanathar dúib inní
gadathái cosnam. Tucsat h-ilar cathai
ocus h-irgaile for h-ilar flaithe ocus rig
ocus toisech na rigsin remaib. Rosto-
gailseat cathrachai ocus h-ilchenelai fó
n-uile domhan.

Robatar a n-airig ocus a rechtaire ocus
a cístoibgeoire fo chendadachib ocus
tuathaib in talman, tuctha císai ocus
dligedai ó fheraib domain do rigu na pers.
Cosnaid bar rige fri h-echtrandaib; bid
andam lib beith fó chís do rig eli iar
m-beith do chách fo bar cís ocus fó bar
n-dligeda cose. Mad faraib immoro
mébas, traethfaither bar catrachai,
saethraigfit bar saerchlanda, daerfaithar
bar mná, bar mec, bar n-ingenai iar na
m-breith a n-gabalaib ocus a n-daeraib.
Berdait echtraind bar n-ór, ocus bar
n-argat, bar séoit, bar máine, bar n-almai,
bar n-indile, mad foraib mebus. Ba dímáin,
din do dhair a forcedul; ár búi comairle
na n-dee n-dheinmech ocus a thoichte féin
oc brissead fair.

Gressacht dair for a muinntir innsin.

Atbert, din, A. fria maicedondaib tré
senchus a curad remthechtach ocus fri
slogaib n-eorpai archénai: Cia thrialltai
teichead, olse, ní focus díb bar n-dín, is
cian co bar fherandaib, bid uaite bar n-air,
chisechtai, bid tile bar námait: fúrfait
bar cuirp coin iar cónghalaib umaib; uall-
faid fidbadaig uas bar sílechaib, no for-
craindfit ethaide ána aérdai. Taethsat
a n-écaib iar rigregaibh rodúraib: fodémat
uacht ocus gortai ocus immad cecha
h-immnid ria n-daerbásaib eítchib anaeb-
daib ilib mad foraib maideas. Mad
remaib, immora, bus ráen romadmai,
roindfithí fúdbai féinded fo shrethaib
óir ocus argait, ocus geámm n-ilbrecc
n-examail, ocus leag lógmar, immroind-
fithí iar fhúdbu na fhéindeadsin, édgudai
srolldai sirecdai, bruidfithí a catrachai
ocus a cendadachu; bud for bar comus a

cathcharpait co fheirtsib ocus múinnten-
daib óir ocus argaid. Fógebthaí cuar
sciathu aílle ingantu co n-esbaid a maccu
cendaille cúmdachtaige. Tairberfithí a
mná ocus a n-ingena áille examhla fo bar
fhogail. Ni confagail h-illtuathai ocus
h-ilaicme fear talman mad remaib burs
raen ocus bus ruathar. Rossia clú ocus
erdraccus bar n-gaiscid co huru in talman.
Mérdaid bar scelai co deiriud betha mát
coscrach ó'n chathsa. Athesc A. indsin.

Is andsin, tra, roeirgetar meadai ocus
persai ocus pairthi indscuchad dona
slogaib nermaraib náimdemlaib ailib co
n-dernsat m-buailid m-bodbdai do shondai-
gib sciath n-illdathach n-examail dianech-
tar chatha. Dobidgsat al-lámu luaith-
éscaide d'a saiget-bolcaib, co roslaiseat a
saithe saiged rithremur séimneach fris in
múirnd moir maicedondai.

Ro fhrithseat íarum Laith gaile na n-greg
in elta adbul erimmdaisin na saiged f
chrislaigib a scith scellbolcach. Ro
latraigseat curu immna cathaibh cechtar-
dai, marcshlog mordrong in phobail per-
secdai ocus dírmandai aígthide na tuath
tesaldai. Atrímead filid na n-greg
comtís aen chuirp dona marcachaibh tesal-
daib fria n-echaib ar deine ocus athlaime
a marcachais. Robatar cuirp churatai
chneisgelai erdracca ilcrechtnaighthe for
echaib ánaib ardchendaib. Rosnigseat
sruamandai snédi saerfholai dar curpu
grinde gelgabar ghroide ocus cech dath
bís for echaib. Aráide ró cloiseat dir-
mand na tuath tesaldai forsin marcshluag
persecdai. Roscómraicseat na slóig
diáirmide immna griu cechtardai iartain.
Beag na rosbris in talum fó a cossaib
ocus do na guthbuindedaib órdaib ocus
argair ocus do na sciathaib comthionotaib
h-o gemaib carrmogail ocus don gáib
comgaibthib: condrecait an aen imthuar-
cain andsin sochaide forfhuirim a buille
h-i ceand araile indúsin. Dollatar iarsin
láith gaile ocus errid ocus cathmilid
iter na cathaib don t-shlog chechtardai;
doradsat a n-esimul ocus a cáinduthracht
for beolu arrig comtír corcardai scéith
na curad do 'n chru chrólindtig. Roclos
telgubai trommtóethmach tré nert
n-immfhorrain na curad cómramach cetna
ocus rostaethsat cuirp na caemchurad
sin do chloidmib feochraib faebrachaib
indúsin. Ro dammnaid ocus roslechtaid
saermilid andsin; rotuarscaid tromm-
gressa for sgiathaib ocus boccoitib andsin
a lámaib laech laimthenach; rofoilgead
popul persecdai do lámaib na n-gorin-
laech n-gregdai an inbuidsin; ro fhaillsig
cách a nert, a brig, a chúmachai for bélaib
a cínd ocus a tigernad; rosnersat rig
ocus oirig ocus ánraid, uirc ocus taisig
ocus trebaind in cathsin do díb lethib.
Acht nirba tarba, tra, do dhair a grssacht
for a múinntir, romebaid fair ocus for
a shlogaib na h-aissia co torchradar a
n-airdrigu uli isin chathsin: térnai dair
din iar na guin. Ro gaibthea la h-Alax-
andir amal rgell dia torgaib ind ioniun
maicedondai. Do rónad slóig mhina ocus
búdne becai do morshogaib na h-aissia
ocus na pers ocus sluaig n-eorpa oc a
slaide. Nisbui ead na ossad for a
n-esorcain sin. Docomortatar aigthe
aille óicthigernd h-irraenaib in rómad-
ma sin. Dorochratar ccc. airig and, ocus
lxxx. míle fear n-armach do thraigthechaib
atféd órus do thuitim and.

Deich míle, tra, do marcachaib ocus xl.
m. do augathaigib, bási ann dígbail slóig
aissia ocus pers. Isead, din, atfet in
fear cétna .i. órus xxx. ar .c. do traig-
thechaib ocus c. l. marcach. Bási indsin
dígbail sloig A.

Rosiachtadar, tra, aen dháine as in
maídm sin do chum na scor ocus longport
na pers, dú a m-ba dair, a sruithe ocus a
seanoire ocus a rigna rochaema ocus mec
ocus ingena na pers. Imchomarcar scéla

díb: nísflileat scéal maithe línd, olsiat,
acht tairnic flaithes fers cobráth. Ro
laad ár a ríg ocus a n-irgabaig oldáit a m-bíí.
Ni gaibeat fir thalman fri h-Alaxandir, is
tromsceo accais ocus duabais ocus neime
for cech n-aen dia tic fris; ar ata a dhía
maraen fris. Is immdai sond tuairgne
irgaile ocus cathluan cathaise ocus airig
ardchathai ocus airsig immbualtai ocus
laech londgarg in a fhiadnaise. Ríícsa do
slogaib in domain marcshlóg na tuaithe
tesaldai cenmothá mormúirnd na mílead
maicedondai. Beac a esbaid na a dígbail
h-i frecur na h-i frithguin isna díb
cathaibsi ocus a miadamlatai ocus a
inocbala oc lethad fón m-bith.`

Ni contarnic dóib deiread a m-briathar
do rád, in tan confhaccutar dírmandai
diairmide na marcach tesaldai ocus na
míled maicedonda oc dirgad chucca for a
slicht. Ronbui gol ocus mairg ocus crith
ocus iachtad andsin fris na scoraibsin na
pers. Aill fri cumaid ocus cáinead a
carut ocus a muindtire; aill eile fri
techead ocus tindénus. Ni ba tarba,
tra, in teichedsin ocus in golmairg.
Rostimchell, tra, druin di co h-indirc-
leach na n-dírmand tesaldai ocus na
marcach maicedondai iat.

Rogabad, tra, rigan in airdrig ocus
a mathair ocus a shiúr ocus a dí ingin
leo. batar immdai saerchlanda ann in
aurgabalaib; batar h-ile aigthe áille
óicthigearnda and fó daire ocus do-
gaillsi, ba h-immdai sruithsheanoír saer-
cheneoil h-i fhorcumal ann in tan sin. Ro-
batar mec ocus ingena saerchland soche-
cheneoil h-i longport na n-greg fó daire ocus
dímad an inbaid sin. Targaid iarsin dair
leath a rigi ocus a fhlaithemnais do A.
darceand a broite ocus a duine gabalai,
ocus ni tucad dó. Targaid, din, ar a
mathair ocus ar a mnái ocus ar a shiair
ocus ar a dí ingein inthsaindrud ocus
nisfuair. Moo lium uil ol A. Mor n-óir
ocus n-argait ocus leag lógmar ocus gémm
n-illdhathach rosgat A. indúsin i scoraib
ocus i longport na pers. Mor n-eirriud
caem cúmdaigthe dombertsat leo. Mor
do lestraib óir ocus argait tucsat laich
luathfasaig o na scoraib rigaib sin dair.
On uair, tra, na fuair dair aisiuc a múnn-
tire h-o A. farfhuacair in treas cath
fair: ocus faidis A. colleíc in prím-
thaiseach .i. parmeníon do airchill ocus
do airitin for an coblach persecda. Luid
A. fessin isin maob n-gainemdai no isin
ioib, [quod unius est] co fuair tairmeasc
in chatha. Sochaide, tra, forsa ragaib
sogaill a nirt ocus a cumachtai. Ronbasaig
na rigu ocus na tasechu tancatar ina-
agaid: rthogail techthir ocus sidóin ocus
cartacéin ocus ni roscabair fresciusa
cairdine na n-aithenstu, ciarba h-uadib a
bunadus; ro airg sicil ocus ródain ocus
inis h-éig ocus éigip ocus dorat mael-
teined tar h-illtuathaib aissia. Conad
andsin rogarad chuige sacart h-ídaltaig
in íoib grianda dia acallaim nad bert-
side in a epistil fris, acht ní bud maith
leis. Ar is demin la h-Alaxandir féin a
ímthechta. Conid andsin rochúmdaiged la
h-A. .i. Alexandria, cíuitas in éigeptacadaib
srotha níuil. Is estiside tuargaibseat na
h-airdríg oirmitneacha oirdnige diarbó
h-ainmm ptolomeus .i. ptolomeus ainmm
cech fir díb indiaid araile .i. ptolomeus
físicon, ptolomeus alexander, ptolomeus
nactusamrén, ptolomeus díuitius, ptolo-
meus pilotas cleopatra, ptolomeus dioni
sius. Fobúi A. bliandna lan oc sruth
michuil ic on chathraig dianid ainm
débritai hi fhail in tobair ingáith dianad
aiste óigread in cech lo, ocus fiuchas
ar theas in cech oídche. Tanic remi iarsin
h-i cómdáil in chatha persecdai .i. in
tress cath, ic tarsum silia roferad in
cathsa; is in chath déigenachsa, trá, ro-
scarad persa fria rigi in domain.

Tanic, din, dair mór don leith ele dochúm
in chatha sin .i. iv. míle traigthech ocus

.c. míle marcach, ba he sin a lín. Roferad in
cathsin co trén ocus co calma: ba teand
tuargain tuag for trenfheraib na pers;
amal trascraid slóig do chéin réid rossa do
thuagaib rogéra, no amal tmsaigit óic
athluma ceatra for carrcib co caémlucht
cumaid is ámlaid sin forrúidbither mor-
druing na maicedoin tuatha deroili na
pers. Ferr, tra, la persa a m-bás oltás
a m-bethu fó mebail. Doráegu cid in
rignía ronertmar .i. dair fessin a bás sech
a bethaid. Ar roptar lire renna nime,
ocus gainem mara, ocus duille feda, buind
fri médi ocus dédi fri bunnu do persu,
ocus fuilt dia cennaib aca a tamnad. Is in
cathsa, tra, dorachar uile bríge ocus cum-
achta na h-aissia; isin cathsa, tra, rotair-
beread persa fá mam daíre ocus docraite:
isin cathsa rogabsat maicedoin menma ocus
miadamlacht al-los a nirt ocus nert a
rig .i. A.: isin cathsa roptar císaig fir
betha do A. cusin feraind oirtheraig: ise in
cathsa forácaib uamun A. for in uile doman:
ise in cathsa, tra, tall frescisin saeri ocus
somenma ón uli thuthaib oirrtherachaib:
ise in cathsa dorat cech síd ó cride ocus ó
menmain do A.: ise in cathsa rothimsaig
techta fher falman do buidechus ocus do
bennachud A. as cech aird iar maidmm
reim for dhair cona persu ocus iar n-a
díbert iarum. Tri laa xxx. do A. cona shlog
icroind in fúidb ocus in díbaid persecda.
Ba deithber ciamad fhota no bethí ic a roind
fobhíth rodíbad sochaide impu. Ba mor rig
ronertmar ocus toisech ocus trebund rod-
ustinoil tria iumforran for náimthib
nertmara. Ba mor tuath ocus cennadach,
rotustuillset fo chísaib ocus bés ocus dán
ocus dligeda dóib.

Mor cath comnart ocus dúine nhdaingen
roscroithset fria tuilled; mor cintach
cumrechtach ocus cimbidi ocus carcrach
roícsat pianu fri bliadna a sainti ocus a
saidbriugad a seanchatraig na pers: mor-
machtad ocus cnead roslaiset cumrech-
taige na pers oc imaicsin na rochaide
somaínechsin ic a comraoind dia náimtib:
mor nhguba ocus nhdérfadaig dorigensat
banntrachta na pers ic décsin fhúidb ocus
díbert a rig ocus a rofher ic a comroind.

Mor lámchomart ocus láimglés n-exa-
mail fógensat cumma ocus athair na pers
fria ndamnad. Mor ngol ocus mairg
ocus nhderchainte dóronsat a n-élotha
pers robatar in aillib ocus slebtibh ocus
dromaib ocus díthreba. Mor m-borrfad
ocus bríge rolinsat muinntir A. fri
comroind na sochaide somainech. Mor
n-allud ocus inocbalai rosgab A. fén oc
fegud á muinntire: mor torathugud ocus
machtad ocus mothugad dóronsat rig
druing na milead maicedndai ocus for-
fhlathi fher n-greg batar ifhail A. oc imfhacsin
na sochaide sin. Ba deithber ón, ár batar
seoit áille inganta ann ic a tachad foraird.

Atcuas do A., tra, in rí dó élud .i. dair
ocus a beith í cúimrigib ordnige ifhail a
muinntire fen. Forcongart A. for mar-
cacha tesalta ara tiastaís colléic for
tograimm dair. Lotar iarum ocus luid A.
fessin inanhdiaidh; ba h-aire, tra, roscum-
recht dair la múinntir, fodáig dair ic techt
isn cath .i. do chómlúd in chatha co calma.
O ramebaid for a slogsum, tra, ro éla co
ilchrechtnaigtí co m-búi a aenur oc dér-
chaíned menman amal mnái, co rucsat na
drúing thesalda fair confacsat fó ghónaib
ocus cneda ocus crólinnte. Foránic A.
intísin dair a aenur fó ilchrechtaib for a
shligib oc imthinfise a anála ocus o techt
a báis. Atbert A. iarum fria muinntir,
ara m-bertais dair día adnocul co pelait
na ríg persecda. Troíge ocus airchisecht
foruaír do A. innísin. Muinnter dair
ocus a mnái ocus a dí ingin nirusléic A.
uad fén.