Fáilte agus Comhairle Éirionn dá mac Grádhach .i.
Domhnall Ó Conaill.

Fáilte dhuitse ar dheise slán,
A mhic mo ghrádhsa 'chuaidh thar toinn,
Do chosain meas is clú na ndámh
A chainid dáimh ar éacht na sonn.

Lá dá raibh badh líonmhar mé
I maoin, i spré, i gclú 's i gclann
Faraoir! le fada chlaon mo ghné;
Ní hiongnadh mé bheith tochtach fann.

Is deorach ainiobhach gan bhréag
Do bheinn-se i ndiaidh mo dhalta grinn,
dá gcluinfinn tásg gur dhún an t-éag
Do rosg gan chlaon, ba tuirseach sinn.

'S é fáth mo dhochar gointeach géar
A d'fhágais aon go fann ar lár
Ach tuig gur truagh don t-é nach léir
Gach tuirse tréan do thig ón ár.

Mar sin a chumain shuairc mo chroidhe
Ná tréig an t-slighe 'tá díreach ceart:
Urraim, reacht, is dísleacht riogh;
Ar bhiodhbhaibh do thíre sgaoil do neart.