TUIRSE.

I meadhón oidhche na suan sidhe
An tan chodlaid cách go sóghail,
Bím-se an tráth soin fá dhíth,
Go cásmhar ag caoi mo dheor.

Ar éirghe maidne do'n ghréin
Ní thugann chugham suan 'ná sógh;
Is ní bhfaighim saoirse ó'm phéin
'Ná sosadh, ar dteacht do'n ló.

Ar ascnamh dí i meadhón laoi
Ní scaireann sí suim mo cheoigh,
Is ar ndul i n-a leabaidh do luighe
I n-anacradh bím 'na deoidh.

Tar, a Bháis, tré dhaonnacht tím,
Réidh mo cheasnaí, réidh mo ghleo,
Réidh mé ó chathaibh an tsaoighil;
Ní bhfuil m'fhortacht sonn go deo!