Ní leanbaidh Banbha le haltrom a glún
mar dhearbhaim le meabhladh acht feabhus mo rúin
gach crann díobh dár phlanndaigh ó abhallghairt úr
a cheann síos gur ghearr sí lé hamharc a súl.

Ní bródúil Fódla bheag iomarcach árd
mar d'fhóguir le fóirneart an fhuirionn ón gclár
drong dhíobh nár dheónaigh mac Muire chum báis
dár órdaigh bheith a gcomhnaidh uile san Spáinn.

Sí Éire san Éaroip an t-oileán gan ádh
más féidir le héinneach an beagán so rádh
mar thréig sí ar bhréig-mhuídm eachtrann mhagh Fáil
na géaga do fhréamhaigh ó cheapaibh san Spáinn.

Ó díbreadh mic Míleadh 's nach maireann i dteann
's nach saolach dá ndaoinibh acht danar-shluagh Gall
a Rí úd do síneadh dár gcabhair i gcrann
go dtí Tú dár ndídean 's a Bhuime na bhfann.