Séamas Mac Coitir cct 1741.

Ní cogadh ná cargaill fhada idir airdríthibh
Ná stoirm na mara fé chaismearthaibh bárc bíobha
Ná cloistin na n-arm chum leadartha dá líomhadh
Fá ngoilid fir Bhanba, a gclanna 's a mná timpeall,

Acht cogadh na ngarraithe a leagadh 's a lánscaoileadh
Cogadh na gcarad do dhealaigh na potátaí linn,
An cogadh so an tseaca do fearadh ón Airdrí orainn,
Seo an cogadh leo is measa 's is fairsinge ghnáthchaoinid.

Cogadh bheir ainnise is airc agus ár daoine,
Osna agus atuirse is mairg ar mhnáibh tí anois,
Bheir orchra im scartaibhse trasna gach tráth smaoinim
Gurb é moladh na marbh mo theastas a photátaí oraibh.