AR SHAORBHREATHACH MHÁG CÁRTHAIGH

Do chuala gol ban i gcéin,
is mairg dhom do chluin an gháir,
a' caoine Shaorbhreathaigh na lann,
ceathrar dhíobh cé binn atáid.

Gol mná ó Chorcaigh na gcuan,
gol aduaidh ó Fhormaoi,
gol ó Bhéilinse na mbárc,
is bean ó Chionn tSáile a' caoi.

Adhbhar a nguil faríor is trua,
Tighearna cródha Caisil cháidh
do thuit in arm Laoise Mhóir,
aon chú chúnta chríche Fáil.

Péarla na hÉireann is posta na Mumhan,
Phoenix shleachta Éibhir dob oiriric clú,
'tá in' aonar i ngéibheann na cloiche seo fút,
Saorbhreathach éachtach mac Donncha an Chúil.