i
I n-aghaidh Dhiarmuid uí Chonchabhair.
Seaán ua Neachtuin cecinit.

Conach úr gidh gur gábhadh
is tuar támha don eallach,
a ghoil ghuineach ní baoghulach
seal a bhímsi im bheathadh.

Luibh leighis agus íceadh
ar ghuin thaodaigh na péiste
agamsa i mbarr mo pheannadh
tá, gan easbhuidh gan éara.

Dart beag géar do mo bholgán
marbhthach iomlán a neimhe;
neach teann mise nach claoidhte
i n-aghaidh an daoithe ar mire.

ii
Seaán Ó Neachtuin ar an Diarmuid céadna.

d'innis m'aislinn dhamh aréir -
chím nach bréag do rinnigh an guth -
dá mhéad meang san tsionnach ruadh
gur lia cluain san tsionnach dubh.

Sionnach ruadh ní chanann olc;
ní bhíonn a ghob ionn gach sgéal;
ní chuireann cluiceóg ar neach -
'measg na gcearc mun' gcastar é.

Ní mar sin don tsionnach dubh;
iomdha olc iona ghníomh;
mealltóir meabhlach an saith;
puinn don mhaith níor chleacht ariamh.