Ar Faithche na hImeartha

An Príomh-Chomhairle

Príomh-chomhairle Cumainn na gCleas Lúith do
theacht le chéile i dtig an Árd-Mhéara i mBaile
Átha Cliath Dia Domhnaigh, fá stiúradh Domhnaill
Mhic Chárrthaigh, Comhairleach do lucht Comhaire
Átha Cliath.

Tuairim is ceithre fichid theachtaire a bheith
i láthair ó gach áird d'Éirinn.

Cunntus airgid is gnó na bliadhna atá
caithte dá leigheamh do Mhac Uí Thuathail, rúnaidhe.
£57 6s. 9d., an t-airgead spártha.

Riaghlacha nua do cheapadh dhóibh agus comhaltus
a thóghadh chun fromhtha agus orduighthe na riaghlach
go léir.

Uachtarán agus oifigigh do thóghadh dóibh le
haghaidh na bliadhna so chughainn.

Rún do chur i bhfeidhm aca i bhfabhar na
Gaedhilge sa nIolscoil. Maith an mhaise dhóibh.

Bóthar Mhic Seóin

Báire comórtuis ann idir fóirnibh ó Loch
gCarmain is ó Bhaile Átha Cliath. Thárla an
lá bheith go dona. Loch gCarmain, 7-13; Baile
Átha Cliath, 6-7.

Sa láthair cheadna - Crócaigh, 2-1; Ráth Ó
Máine, 1-2.

Tórna