An Claidheamh Soluis

Áth-Cliath, Eanair 27, 1906.

Ólachán nó Saoirse —
Cia aca?

Seo mar sgríobhann “Béal Docht”
chugainn. Ní gábhadh dúinne focal do
chur le n-a bhfuil ráidhte aige: —

“Is iomdha rud tairbheach agus comhairle
chiallmhar atá le baint as foclaibh an
United Irishman. 'N-a measc so tá
éin-nídh amháin gur mhór is fiú é do
chur i bhfeidhm, 'sé sin, an t-airgead do
choimeád i n-ár bpócaíbh féin i
n-ionad é do thabhairt do chiste
Sheagháin Bhuidhe, an craos-deamhan,
mar bhronntanas leis an ndigh. Má
thugtar pinginn is leith-phinginn do
Sheaghán Bhuidhe ar gach gloine uisce
beathadh, agus leith-phinginn nó fiú
feoirlinge ar gach gloine pórtair nó
leanna dhuibh, cia an chiall do
Ghaedhilgeoiríbh atá lom dáríríbh bheith
ag caitheamh an dighe mar mhaithe le
Seaghán?

“Éire shaor 's eadh Éire mheasardha,
Séan an braon is coimeád an
t-airgead,”

“An rud a chomhairlighim a dhéanamh,”
arsa “Béal Docht.” “Tá sé dhá dhéanamh
agam féin.”