An Claidheamh Soluis

Áth Cliath, Mí na Nodlag 30, 1905.

Ar Aghaidh!

Sóraidh slán le bliadhain a 1905, agus
céad míle fáilte romhat-sa a 1906!
Is iomdha cor do chur an saoghal de ó
bheannuigheamar do'n bhliadhain atá
indiu geall le bheith caithte, agus is dócha
gur iomdha cor chuirfeas an saoghal
de sul má chaithtear an bhliadhain atá
chugainn.

Cibé rud atá i ndán d'Éirinn i
gcaitheamh a 1906, ní baoghal do'n
Ghaedhilg. Dhá threise é Connradh na
Gaedhilge ag tionnsgailt na nua-
bhliadhna dhó, is cinnte gurab ag dul i
dtreise bhéas sé gach lá dá dtiocfaidh,
agus gur treise fá dhó bhéas sé bliadhain
ó indiu.

Bliadhain eile chugainn, a Ghaedh-
eala! Tuilleadh oibre romhainn amach!
Gléasaidh oraibh! Cuiridh bhur n-airm
i gcóir! Ar aghaidh libh!