Betlehem.

1.
Síon is sneachta,
Oidhir ar aibhnibh,
Reodhach anocht na réalta;
Cuing ar easaibh,
Linnte 'n-a leacaibh, —
Brónach liom an saoghal!

2.
Och! an mháthair
Mhodhamhail mhánla,
Truagh an seanóir críonna!
Bocht a n-árus,
A bhfosgadh i stábla,
Monuar! is dealbh an dídean!

3.
Fuar an oidhche!
Truagh an Naoidhean!
Lom, mo chás, A leaba!
Tuargan gaoithe,
Cruadhtan geimhridh, —
Olc do fháilte, a Leanbh!

4.
Ceol 'sna Flaithis
Ag cór na n-aingeal,
Stoc is píob is cláirseach;
Glórtha neamhdha
Ag gabháil a gcaintic,
'S ag moladh Chríost, an tÁrd-Rí!

Cuimín Ó Cualáin.