CLODHANNA NUA.

Aibghitir na Gaedhilge ó láimh Nórma Bhórtuic.

Is fíor-fhoghanta an leabhrán é seo. Buainfid an
t-aos óg eolus na litreach as gan duadh gan dochar.
Táid na cinnlitreacha agus na minlitreacha i nguailnibh a
chéile ann diadh i ndiaidh ó'n asal go dtí an t-uan, gach
dealbh tarraingthe ag an mban-ughdar chlúiteach féin.
Ní baoghal nach gcuirfid na miondaoine spéis agus suim
i n-a leithéidíbh. Má's fíor an chogarnach agus an
ráfla atá ar siubhal i dtaobh na Gaedhilge do mhúnadh
i sgoltachaibh leanbh, is é rud dob' indéanta do'n
ughdar na plátaidhe do chur d'á mbualadh 'sa' chló arís
ar chuma go bhféadfaidhe a gcur ar crochadh le ballaidhibh
na sgol. “Sonas agus ádh ort,” a n-abair an Laighneach,
ag breith bhuidheachais dó, 'sé deirimíd léithe.