Do chéadfuibh na mbean sonn síos

As ait leam stáidbhean -
sgiamhach sgafánta,
mhíolla mhacánta,
mhúinte mhallghlórach.
Ait leam a beith -
maordha monglúbach,
tréighthioch tromchúiseach,
soilbhir seangseolta.

As fuaith leam a beith -
cásmhar cíochánach,
manntach míonáireach,
millteach milléanach.

Beag orm a beith -
meabhlach meinbhréagach,
labhurthach leithsgéallach,
gruama gearánach.

Ait leam bean -
cheannsa chiúnráidhteach,
leanbhuide lúthgháireach,
líothdhathach leabhuir-ghéagach.
Ait leam a beith -
beultais binnbhriathrach,
seolta slimchiabhach,
séadach seangmhéarach.

Beag orm bean -
chruadhchas channránach,
dhuaibhseach dhranntánach,
chinnsiolach chruaidhchúiseach.
Beag orm a beith -
cleasach calaoiseach,
meangach mailíseach,
liosda luathshúileach.

Ait leam bean -
ghreannmhur ghormshúileach,
fhlaitheamhuil fhocalmhúinte,
shúgach shaoibhialta.
Ait leam a beith -
carthannach caoincheannsach,
marthannach mínbhannda,
muintearrdha mínbhriathrach.

Beag orm bean -
bhrúideamhuil mharbhchéadfach,
dhrúiseamhuil ainmhianach
cholgach chasaoideach.
Beag orm a beith -
ainmhear míbhéasach,
feargach fír-bhréugach,
spairneach spad-bhruighneach.

Ait leam bean -
tsaoitheamhuil chaoinráidhteach,
fhíorumhall adhnáireach,
mhaiseach mhórdhálach.
Ait leam a beith -
cráibhfioch coinsiasach,
fáilteach fírfhialmhar,
déidgheal datháluinn.

Beag orm bean -
ghothánach chiapálach,
dhoithchiollach dhíoghbhálach,
amhgurach allaoideach.
Beag orm a beith -
brónach barumhlach,
lothardha leathshúileach,
corroideach sgallaoideach.