An Claidheamh Soluis

Áth-Cliath, Feabhra 03, 1906.

Conntae na Gaillimhe.

Is binn linn a chlos go bhfuil fonn
oibre ar mhuinntir na Gaedhilge i
nGaillimh. Cruinniughadh do bhí aca
coicthighis ó shoin, ghlacadar comhairle
le chéile agus shocruigheadar ar choiste do
chur ar bun ar a mbéidh sé de chúram
imtheachta an Chonnartha do stiúrughadh
i gCo. na Gaillimhe. Tá a leithéid de
choiste ag teastáil le fada. 'Sé do
b'fhearr linn féin coiste le haghaidh
Iar-Chonnacht, Conamara, agus Dúithche
Sheoighe; coiste eile le haghaidh O
Máine agus Tír Fhiachrach Aidhne; agus an
tríomhadh coiste le haghaidh Gaillimhe ó
thuaidh. Acht is fá mhuinntir na háite
badh cheart réidhteach an sgéil d'fhág-
áil, mar is aca féin is fearr atá a
fhios céard theastuigheas uatha agus céard
d'fheilfeadh dóibh. Tá súil againn go
n-eireochaidh leis an Athair Antoine Ó
Consaidín agus le lucht a chonganta.